la revolucien èra una frenison

èra un temps de secaressa granda
de còps que l’a auriatz dich qu’anava plòure
auriatz dich que l’aubre mòrt aviá représ

aqueu temps siguèt temps de chavana
mai pas jamai la chavana crebèt
de tot biais
aquelei que l’esperavan èron tenguts per fols
per leis òmes sufisents
que son estats quitis per la paur

ai finit aqueu libre de la revolucien
fai tot bèu just lo temps de viure
la revolucion a partit sus la poncha dei pès
te revires pas fau donar lo torn de clau
ara es vengut lo temps censat de l’abondància
lo fau prendre tau coma es
laid que fai paur
lo temps dei clòscas vueges
laissa-lo passar

lo bonur es coma un sant bastit dins la muralha
que ditz pas ren

Renat Merle, avost de 2012