https://renemerle.com/remembranca/ fr SPIP - www.spip.net https://renemerle.com/remembranca/spip.php?article265 https://renemerle.com/remembranca/spip.php?article265 2025-10-23T13:57:23Z text/html fr René MERLE Montmorin Gavots <p>"Brigas d'istòria", Aquò d'Aquí, n°85 - Junh de 1994 <br class='autobr' /> De qu'es “un bayart, un armis, una giletta, un patustré, una manustré, una brasqua, de saffra, de menu, l'engulémé la borna, la granata, la grand-mata, lou bassuc, la pesanda” ... ? Et “Lura, Mara, Mèra, Jora, Vèra, Sara, Mècha” ? “Un maître de maison, un fils, une fillette, un père, une mère, une femme, du vin, du blé, la bouche, la nuit, la ferme, la grand-ville, le Maire, la terre” ...e “Lundi, Mardi...”. Trobatz aquò dins lo (…)</p> - <a href="https://renemerle.com/remembranca/spip.php?rubrique18" rel="directory">Oc. Événements historiques</a> / <a href="https://renemerle.com/remembranca/spip.php?mot207" rel="tag">Montmorin</a>, <a href="https://renemerle.com/remembranca/spip.php?mot382" rel="tag">Gavots</a> <div class='rss_chapo'><p>"Brigas d'istòria", <i>Aquò d'Aquí</i>, n°85 - Junh de 1994</p></div> <div class='rss_texte'><p>De qu'es “un bayart, un armis, una giletta, un patustré, una manustré, una brasqua, de saffra, de menu, l'engulémé la borna, la granata, la grand-mata, lou bassuc, la pesanda” ... ? Et “Lura, Mara, Mèra, Jora, Vèra, Sara, Mècha” ?<br class='autobr' /> “Un maître de maison, un fils, une fillette, un père, une mère, une femme, du vin, du blé, la bouche, la nuit, la ferme, la grand-ville, le Maire, la terre” ...e “Lundi, Mardi...”.<br class='autobr' /> Trobatz aquò dins lo butletin de la societat d'estudis dei Aups Autas (1883). Títol : “L'argot de Montmorin”. “Les braves moissonneurs de Montmorin, qui aiment beaucoup la plaisanterie, se font un plaisir de parler entre eux leur argot quand ils arrivent sur les immenses plaines de la Provence. Ils le font surtout quand ils ont à se plaindre de leur maître qui se montre un peu dur pour le travail ou qui ne leur sert pas une nourriture conforme à leurs désirs”.<br class='autobr' /> Montmorin, vilatjon deis Aups Autas, pròchi Droma. Montanha sèca, paura. Entre lei sèrres durs, l'Ola davala per Nions vèrs lo païs gras. Parièr, passat lo còl dei Torretas, Buech davala vèrs Serres, Sisteron... Dei Baroniás, de Devoloi, partián ansin de chormas, òmes e familhas, se logar d'estiu : per lei recòltas Provença bassa mancava de bras. “Complementaritat economica” qu'èra pas totjorn urosa dins la vida e lo còr deis òmes.<br class='autobr' /> A pròva, aquel “argot ” ... De lengas fargadas ansin, n'i aguèt fòrça dins la montanha occitana e francoprovençala : emigrants provisòris, coma meissoniers gavòts, rasclachaminèias savoiards, ressaires de Jura... Embolha un pauc son afaire nòstre brave erudit : reconoís pas de mots occitans (“artoun” = lo pan) o passats au francés popular (“trouncha, brémas, toucanta”). Mai per l'essenciau lenga secreta. Per se garçar de cu parla occitan come tu, mai sovent se garça de tu. Per se defendre. Tant èra fòrt dins Provença bassa lo racisme anti-gavòt, racisme etnic, que cuerbe lo mespretz per lo mai paure.<br class='autobr' /> Racisme tant ordinari que lo trobavan normau de provençalistas. Exemple : 1853, Congrès dei Poëtas Provençaus, a-z-Ais, bailejat per Gaut, un Sestian. Proclama dins son Roumavagi deis Troubaires* la renaissénça de la Lenga e de la Cultura d'Oc, deis Aups ai Pirenèus. Un fuble de poëtas li participan, “grands e menuts”, coma dison lei Catalans. Demieg lei “menuts”, Monard, d'Orpierre (très valadas au sud de Montmorin). Coma tant de Gavòts, fa lo mèstre d'escòla, d'autant qu'es gòi ... Barrutla entre Vaison e Ate. E vaquí que dins son jornau Lou Gay Saber Gaut t'empega una marrida galejada contra aquelei tòtis de Gavòts. Respònsa furiosa dau paure Monard.<br class='autobr' /> Dount te vein aquella fouell'ideïa / De voulier t'amusar oou despeins dei GAVOTS. / Tu que dinc toun journaou as einsera les mots : / Fusioun par toutes gienchs et par touta countréïa*.<br class='autobr' /> Mai èra ja venjat lo Gavòt : dins lo Roumavagi ... Aqueu J.Mistral que li publica “La Mort dau Mèissounier”*, òc, es ben lo Frederic, de Malhana. A 23 ans, mai l'alen es ja epic :<br class='autobr' /> Ligarèllo, accampaz, accampaz leis espigos. / Prenguez pas gardo à ieu ! / Lou blad gounfle et madur s'espoùsso aù vènt d'estieù *...<br class='autobr' /> L'enfant dau mas e la chorma de meissoniers gavòts, menada per son vielh capolier, lo grand volame en man. Es l'accident. Lo vielh se trauca. Jamai tornarà veire son “ameù empegat contro lei mourres gris”*.<br class='autobr' /> Dau grand Gavòt dignifiat, Mistral fa lo simbòle d'una civilisacion unida, e de sa mòrt. Davalan plus lei meissoniers que lo trin cambia lo blad en ortolalhas, e se'n van lei Gavòts vèrs l'armada, d'Africa o de Tonkin, lei camins de ferre, lo travalh de Marselha, de Lion e de Paris. Mercat nacionau...<br class='autobr' /> Es un monde ja mòrt que presenta l'erudit de 1883. Demòra lo remembre de la lucha per la vida, de la conariá e de la generositat deis òmes. Demòra lo pantais de la Lenga, que ne'n devendrà lo Capolier, F.Mistral. Nòstre “argot” ... Contra quaus mèstres e quau mespretz nos defendrà ?<br class='autobr' /> Renat MERLE<br class='autobr' /> * respecti aicí la grafia originala dei tèxtes.</p></div>